NERANG…Kepala Menteri Datuk Patinggi Tan Sri Abang Johari Tun Openg (dua kiba) dikemataka bala bukai maya mantaika pasal BKSS 8.0, ditu kemari.

KUCHING: Kepala Menteri Datuk Patinggi Tan Sri Abang Johari Tun Openg kemari udah mantaika penyampau Bantu Khas Sarawakku Sayang (BKSS) 8.0 beungkus RM285.47 juta kemari.

Iya madahka BKSS 8.0 tu mungkur tujuh pekara ti dikeandalka ulih mantu ngelempungka tating belanja ti ditapi rayat.

“Bantu tu nunjukka komitmen Perintah Sarawak dalam mantu nyumanka sosoioekonomi ungkup pengelantang rayat baka pakej BKSS sebedau tu.

“Perintah mega seruran bebendar nentuka semua pekara ti dipadahka dalam BKSS nya diterima enggau meri pemaik ngagai raban ti diselinting,” ku iya.

Abang Johari bejaku munyi nya rambau Aum Media Khas BKSS 8.0 di Wisma Bapa Malaysia, ditu kemari.

Iya ti mega Chairman Gempung Parti Sarawak (GPS) madahka raban GPS deka terus bebendar ngemansangka Sarawak ngagai penegap, aman enggau nyulut.

“Aku pechaya renggat penyuman tu deka meri peluang ngagai rayat neruska aktiviti ekonomi enggau rama lebuh sida neruska pengidup.

“Berebak enggau nya, Perintah Sarawak deka bebendar agi mutarka pandemik Covid-19 di menua tu awakka dijaga enggau enda nating rayat.

“Aku ngelalau rayat menua seruran begulai enggau kami mutarka pandemik tu nengah pengawa nitihka Atur Pengawa Standard (SOP) ti dikeluarka,” ku iya.

Sama bisi datai Sapit Kepala MenteriDatuk Seri Dr. Sim Kui Hian, Sekretari Perintah Nengeri Datuk Amar Jaul Samion enggau ke bukai.

Suara Sarawak