Enda ulih ngelak penusah udah balat baru deka gawa – Adun Dudong

SIBU: Pengawa ngerawang sungai ke mungkur endur ke suah ampuh bah entara chara ngasi enggau meri pemaik ngagai rayat.

Adun Dudong, Datuk Seri Tiong King Sing madah penanggul ampuh bah ke suah ditapi ketegal pemuntan sistem entali ai enda menyana lalu ngujungka penyadi ampuh bah ba sekeda endur ba Sarawak.

“Kelimpah pemuntan sistem parit, ai ngelumpa ari Sungai Igan eggau Rajang sereta anak sungai bukai mega nyadi kebuah penusah bah.

“Nya alai, beguna amat pengawa ngerawang sungai ke bekaul awakka ulih mutarka penanggul ampuh bah tu,” ku iya madah nengah sebengkah penerang, sehari tu tadi.

Nangkan ke nya, iya madah entara sitak ke suah kena bah sepanjai taun nyin kemari iya nya Jalai Salim-Stabau, Bukit Lima, Durin enggau Sentosa.

Ku iya, sebana ari rayat mayuh, ujan ke berunggu taja enda datai 12 jam, tang palan sida udah ditiki ai.

Nya alai, iya udah minta Opis Parit enggau Entali Ai (JPS) lengkas ngesah lalu mutarka penanggul nya.

“Kitai enda ulih ngelakka penusah lebih balat nyadi baru deka bejalai gawa,” ku iya.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak