Leon Jimat Donald badu nyemilik DAP

KUCHING: Chairman Parti Tindakan Demokratik (DAP) Sri Aman Leon Jimat Donald, sehari tu madah diri pansut ari parti nya.

Iya ke mega kaban komiti DAP Sarawak, nyerahka surat ngelepaska penuduk nya ngagai Chairman DAP Sarawak Chong Chieng Jen kena 11 Januari tu tadi.

Leon, 47, nyemilik DAP pengelama 13 taun madah pemutus nya siti pengawa ke tusah digaga pengudah ti ngasaika diri patut beserara enggau DAP.

Pia mega iya ngenggaika jaku ti madahka pemutus nya digaga ketegal deka masuk Parti Bangsa Malaysia (PBM) ke baru ditumbuh, betuaika Kaban Parlimen Julau Larry Sng.

Tang ku iya, iya deka meri perati ngagai pengawa ukai politik nengah gerempung ukai perintah (NGO).

“Aku deka terus gawa ke rayat ba Sri Aman nengah NGO ke benung diiring aku,” ku iya.

Leon sebedau tu kala nyemilik Parti Rakyat Sarawak (PRS) sebedau masuk DAP.

Iya ke mega anak ex- Kaban Parlimen Sri Aman, niang Jimmy Donald kala ngarika DAP ba tiga kali pengawa bepilih besai nengeri di DUN Simanggang, tang alah ngagai penyandang Datuk Francis Harden Hollis.

Dapatkan kandungan menarik kami di media sosial:
Klik Di Sini -->> Facebook | Tiktok | InstagramYoutube | |  Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak