Mujan begunaka bantu dikena ngerembaika asil kraf

SARIKEI: Chukup kereban enggau bisi endur ti lantang ngaduka pengawa endang nyadi juluk ati tukang kambuh ari Ulu Kemalih, Entabai, Mujan anak Uju.

Ku iya, merinsa endar ngambuh duku enti sema suntuk kereban kena gawa lalu bisi endur ti lantang nya kira ‘bonus’ ngagai sida ti ngemeranka pengawa begagaka kraf jari.

Ari nya tadi, iya ngarapka raban ari opis tauka ejensi kraf jari ba Malaysia kelebih agi di Sarawak ulih meri bantu ke patut dikena ngemansangka pengawa nya.

“Manggai tiga taun ngambuh duku nyadi batang pengawa lalu aku begunaka kereban dikena ngambuh ngambi pengawa ulih dirumban lalu udar ulih tembu jampat.

“Mesa ga tubuh ka siku aja ngereja, tambah mega suntuk kereban, nya ti ngasuh bala ti ngudar nganti lama endur duku sida tembu digaga.

“Kasih ga meda sida nganti lama, tang pengawa enda ulih dirumban munyi jaku. Nya kebuah aku andal amat opis enggau ejensi kraf beratika penanggul kami tu,” ku iya.

Mujan madah baru, iya kala nganjung peminta bantu kereban betukang ngagai Opis Kraf Jari Sarawak tang lalu nadai berita nyentuk sehari tu.

Berita penuh tau dibacha ba Ruai Suara Sarawak, sehari tu.

KENA GAWA… Anak kereban kena Mujan ngambuh

 

MINTA ENDUR LANTANG AGI… Anak bengkel endur Mujan ngaduka pengawa.
Dapatkan kandungan menarik kami di media sosial:
Klik Di Sini -->> Facebook | Tiktok | InstagramYoutube | |  Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak