RAMPAS…22.41 kilogram tisik tenggiling dirampas.

KANOWIT: Opis Kampung Sarawak (SFC) enggau raban Polis Diraja Malaysia (PDRM) datai ngenyit ngelawa sebuah premis kedai ditu ke ditemu bisi naruh bemacham bansa jelu ke dilindung ari punas.

Nitihka penerang SFC, ba pengawa datai ngenyit nya sida mujur ngerampas tungkus ke ngundan 22.41 kilogram dipelaba tisik tengiling.

“Bela dirampas, dua iku burung riong, tiga iku burung punai, dua iku burung kapas tembak, tiga iku semalau, dua iku semalau batu, dua iku burung perling mata mirah, siku burung kakak tuan, tiga iku lelabi enggau siku tekura,” ku iya.

Nangkan ke nta, saspek 58, udah dibai ke Balai Polis Kanowit lalu semua barang ke dirampas udah dibai ngagai opis SFC Wilayah Sibu ngambika diperunding.

Ku iya, kes nya dipansik nitihka Ordinan Perlindungan Hidupan Liar 1998 (Bab 26).

LELABI… Siku lelabi mega ditemu dalam premis kedai nya.

Suara Sarawak