PADAWAN: Bisi 14 iku lelaki peranak menua tu mujur ditangkap benung bemain judi holo ba sebuah kedai nadai belumur ba Jalai Kpg Sinjuk, Siburan ditu.

Tuai Polis Pelilih Padawan Supt Abang Zainal Abidin Bin Abang Ahmad madah semua saspek beumur entara 24 nyentuk 56 taun nya ditangkap ba sebengkah pengawa datai ngenyit ke dipejalaika nengah Op Limau ari raban Polis IPD Padawan urung pukul 12.15 tengah malam, tadi.

Bela dirampas seset kong holo, tiga igi buah holo, selambar kain holo, lapan kerusi, dua buah mija enggau duit RM2000,” ku penerang media sehari tu tadi.

Iya madah, pengawa nya dipejalaika nengah Seksyen 7(2) Akta Rumah Judi Terbuka 1953.

Suara Sarawak