PENGERAMI CITRAWARNA… Pengerami Citrawarna Malaysia Sebilik 2022 deka diatur pengelama empat hari bepun 24 ngagai 27 Februari tu.

KUCHING: Opis Menteri Dagang Temuai, Seni enggau Main Asal Malaysia (Motac) deka ngatur Pengerami Citrawarna Malaysia Sebilik 2022 bepun 24 ngagai 27 Februari tu.

Pengerami Citrawarna berambaika jaku ‘Temasya Kepelbagaian Budaya’ ti keterubah diatur taun tu deka diintu di Waterfront Kuching.

Pia mega, pengawa bejadika Pengerami Citrawarna deka diatur kena 26 Februari ke alai Menteri Besai Datuk Seri Ismail Sabri deka ngerichahka agi pengerami nya.

Nya alai, mensia mayuh diperansang sampal datai ngulu pengerami tu ke mega deka dirichahka agi enggau Konsert Sape kena hari kepenudi iya nya 27 Februari tu.

Nambahka nya, program bukai mega bisi diatur baka Pengawa Mandangka Pekayan Kraf Malaysia ke deka diatur kena 26 ngagai 27 Februari tu.

RINTAI PROGRAM… Bemacham aktiviti deka diatur pengelama empat hari nya dikena ngerichahka agi program pemerindang ti terubah iya diatur nya.

Bisi mega program dikumbai Colors Of Malaysia @ Padang Merdeka bepun ari 24 ngagai 27 Februari dikena ngerichahka agi pengerami pengelama empat hari nya.

Pengawa mandangka gastronomi Sarawak mega bisi diatur pengelama empat hari nya.

Pengerami Kraf Sarawak mega bisi diatur pengelama empat hari ke alai bala pedagang Sarawak diberi peluang bejualka produk pengelandik sida ke mega nyadi pematak di menua tu.

Nangkan nya, Pengerami Gendang Sarawak mega deka diatur pengelama tiga hari bepun 24 ngagai 26 Februari tu dikena mandangka sida ke landik betabuhka gendang.

Mensia mayuh mega deka diperindang penanyi tebilang baka Datuk Jamal Abdillah, Dayang Nurfaizah, Jerry Kamit, Mathew, Dewi Liana Seriesta enggau Bob Yusuf.

Penanyi bukai baka Nicole Lai, Magen, Fendi Kenali, Roslan Madun, Orkestra Tradisional Malaysia Istana Budaya, bemacham NGO Seni Budaya enggau ke bukai.

Nya alai, mensia mayuh anang muai peluang beperindang sereta ngerichahka agi pengerami pengelama empat hari tu laban bemacham aktiviti bukai deka diatur.

Aktiviti bukai ke deka diatur baka Randau Komuniti Sarawak, Pemerindang Budaya ba Panggau Melepung, Pengawa Mandangka Perau Tambang Berias, Pemerindang Bunga Api enggau Muzikal Water Fountain.

Mensia mayuh mega tau ngelawa Food Bazaar di Padang Merdeka, Treasure Hunt, Pengawa Bejual sereta Eksibisyen ti diatur Opis enggau Ejensi Motac.

PENANYI TEBILANG… Pengerami tu mega richah diatur lebuh diperindang penanyi tebilang menua baka Datuk Jamal Abdillah, Dayang Nurfaizah, Jerry Kamit, Mathew, Dewi Liana Seriesta enggau Bob Yusuf sereta ke bukai.

 

PENANYI TEBILANG… Pengerami tu mega richah diatur lebuh diperindang penanyi tebilang menua baka Datuk Jamal Abdillah, Dayang Nurfaizah, Jerry Kamit, Mathew, Dewi Liana Seriesta enggau Bob Yusuf sereta ke bukai.

 

PENANYI TEBILANG… Pengerami tu mega richah diatur lebuh diperindang penanyi tebilang menua baka Datuk Jamal Abdillah, Dayang Nurfaizah, Jerry Kamit, Mathew, Dewi Liana Seriesta enggau Bob Yusuf sereta ke bukai.

 

PENANYI TEBILANG… Pengerami tu mega richah diatur lebuh diperindang penanyi tebilang menua baka Datuk Jamal Abdillah, Dayang Nurfaizah, Jerry Kamit, Mathew, Dewi Liana Seriesta enggau Bob Yusuf sereta ke bukai.

 

PENANYI TEBILANG… Pengerami tu mega richah diatur lebuh diperindang penanyi tebilang menua baka Datuk Jamal Abdillah, Dayang Nurfaizah, Jerry Kamit, Mathew, Dewi Liana Seriesta enggau Bob Yusuf sereta ke bukai.

Suara Sarawak