PECHAH…Pendiau cheremin sebuah entular pechah dipelaba kena tikau enggau batu.

SRI AMAN: Cheremin entukar siku pengajar pechah dipelaba ditikau ngena batu maya nurun ke pasar nengah Jalai Berayun enda jauh ari Rumah Jil Malaysia (JPM) Sri Aman, ditu lemai kemari.

Kenu ku anak pengajar nya, Joynna Chong penusah ti nuntung apai iya tu dilabaka ari ulah seraban nembiak nikau ke batu maya sida bemain ba palan orang ngaga rumah enda jauh ari JPM Sri Aman.

“Irau aku meda penusah nya nangika sepur cheremin nya tama mata apai. Tang udah diperesa nasip nadai nama-nama,” ku iya nusui ngagai Suara Sarawak.

Beduduk ari penusah nya, sida Joynna sebilik nanggung pengerugi laban cheremin entukar rusak.

Berebak enggau nya, indai Joynnya ngelalau bala apai indai ngambika semampai ngemataka ulah bala anak sida lebuh sida bemain ba luar rumah enggai ke pekara baka tu tau nyadi ba orang bukai ba maya bukai.

Pia mega, Joynna ngarapka penusah ti nuntung apai iya tu ulih nyadika chunto enggau lalau ngagai bala apai indai ngambi semampai ngemataka anak sida ti bemain enggai ke pulai nyadi penusah ngagai diri empu enggau orang bukai.

PECHAH…Pendiau cheremin sebuah entular pechah dipelaba kena tikau enggau batu.

Suara Sarawak