KENANG…Dr. Annuar (lima kiba) nyuaka surat chir nyadi ProChanselor UTS ngagai Abang Johari (tengah). Bela dipeda, Dr Khairuddin (lima kanan) enggau bala bukai. -Gambar Japen Sarawak

KUCHING: Kepala Menteri Datuk Patinggi Tan Sri Abang Johari Tun Opemng dipadu nyadi Pro-Chanselor Universiti Teknologi Sarawak (UTS) ungkup tipuh lima taun berengkah 1 Mac tu.

Surat chiri pangku pengawa nya udah disuaka Menteri Muda Pelajar, Inovasyen enggau Pemansang Penau I Dr. Anuar Rapaee ke mega Chairman UTS maya penemuai basa raban kaunsil direktor UTS di Wisma Bapa Malaysia ditu, kemari.

“Tu endang keterubah iya (Pro-Chanselor) dipadu pengudah UTS diangkat nyadi universiti penuh lalu Kepala Menteri mega udah setuju dipadu mangku pengawa nya,” ku Dr. Annuar.

Kelimpah ari nya, iya mega madah UTS deka ngatur pengerami konvokesyen kena 5 enggau 6 Mac 2022.

UTS suba dikelala enggau namaUniversiti Kolej Teknologi Sarawak (UCTS) sebelum diangkat nyadi universiti penuh nengah Opis Menteri Pelajar Tinggi kena November 2021 enggau udah dipenyadka Abang Johari kena 10 November taun nyin kemari.

Tu endang universiti diempu perintah Nengeri Sarawak lalu ditumbuh kena 1 April 2013.

Sama datai Mandal Chanselor Profesor Datuk Dr Khairuddin Abdul Hamid sereta kaban Kaunsil Direktor UTS.

Suara Sarawak