Slug: covid
080222

KUCHING: Kes positif Covid-19 di Sarawak majak nambah lebuh 129 kes positif baru dirikod kemari.

Komiti Penyangga Penusah Nengeri (JPBN) dalam siti penerang media madahka tu ngujungka kes positif di menua tu nambah 253,216 kes.

Kes positif tu pemadu mayuh dirikodka ba Pelilih Menua Kuching iya nya 54 kes, ditangkanka Sibu (35), Miri (18), Limbang (9), Kapit (4), Song (3), Bintulu (3) enggau Lundu, Meradong sereta Samarahan ngerikodka siti kes.

Nitihka rikod tu, 65 kes positif dirikodka ba kategori klinikal 1 lalu 64 kes dirikodka ba kategori klinikal 2.

Taja pia, nadai kes pemati tauka kluster baru dirikod sehari tu.

Mensia mayuh dipinta terus nitihka Atur Pengawa Standard (SOP) nagang pengerekai penyakit Covid-19.

Suara Sarawak