Perengkaguna ba Kpg Kudei Baru disikap menyana
BETATIKA PEMINTA RAYAT… Ibrahim ngabas taba nasih tanah ungkup projek di Kampung Kudei Baru.

KUCHING: Pengelantang rayat di Kampung Kudei Baru deka disikap enggau perengkaguna pemun ke meruan agi.

Tu pengudah Adun Satok Datuk Ibrahim Baki bejadika pengawa nasih tanah ngambi ngepunka projek ke deka dipejalai ba genturung pendiau nya.

Ku Ibrahim, batang tuju pejalai nemuai seraya gawa ngagai Kampung Kudei Baru laban deka beratika pejalai projek nukar batang paip baru ba sitak nya.

“Projek ti dipejalai nya dikena nukar batang paip baru di baruh projek nyeleti infrastruktur Kampung Kudei Lama, Kampung Kudei Baru, Kampung Sungai Maong enggau Kampung Segedup.

“Projek tu dipelaba beungkus RM1.8 juta enggau disadang tembu bulan Julai tu.

“Nya kebuah, aku ngarapka projek tu ulih meri pemaik ngagai rayat ba sitak nya.

Projek nya dikategori dalam pakej tujuh iya nya ngaga batang paip baru pemanjai 200mm diameter enggau 1500mm diameter dikena nukar barang paip lama di Kampung Kudei Lama enggau Kudei Baru.

Sama datai Sekretari Politik Kepala Menteri Sarawak Abdul Samat Gany, Penghulu Kampung Kudei Mohamed Meraji, Tuai Kampung Kudei BaruSupardi Abdullah, Tuai Kampung Kudei Baru Iban Sangi Anak Abu, Tuai Pati Kudei Baru Sahdi Mat enggau bala bukai.

Suara Sarawak