AGI BEGIGA…Raban SAR benung nyidi tudah Baki anak Nyambung ke agi lenyau pengudah labuh ari bot, kemari.

ENGKILILI: Tudah siku peranak Kampung Lidong ti labuh ari bot maya benung nginti ba Sungai Skrang ditu lemai kemari lalu apin temu naka berita tu ditulis pukul 3 lemai, tadi.

Nitihka penerang ari saksi ke mega menyadi mansa madahka tudah Baki anak Nyambung, 49 ke mega pincin gawa soldadu labuh ari bot kira ke 1 kilometer (km) penyauh ari pengkalan rumah panjai sida.

Operasyen begigaka tudah agi benung dipejalaika ku Pegawa Kanan Bomba (PBK) Betong, Henry anak Jugah.

Iya madah operasyen ngiga tudah ke lenyau bisi dipejalai tungga ke ulu sungai urung 1 km radius ari palan tudah ke diripot lenyau.

Henry ke bela ngambi bagi ba operasyen nya madah madahka raban ti bela mantu ngiga mansa nyengkaum semilan iku raban polis, 7 iku raban Penyaga Orang Periman (APM) enggau 12 iku peranak menua nya empu.

Berebak enggau nya, pengari Kaban Kunsil Nengeri (Adun) Engkilili Dr Johnical Rayong Ngipa iya nya Daviester Renang bisi datai ngabas seraya nyuaka bantu barang pemakai enggau ai irup ngagai raban ti bejalaika pengawa nyidi enggau ngesah penusah (SAR) ba tebing Sungai Skrang.

AGI BEGIGA…Raban SAR benung nyidi tudah Baki anak Nyambung ke agi lenyau pengudah labuh ari bot, kemari.

 

BANTU…Daviester (kanan) ngarika Adun Engkilili nyuaka bantu ngagai raban ke bejalaika pengawa SAR ba tebing Sungai Skrang, tadi.

Suara Sarawak