Adam Prakash Abdullah.

KUCHING: Serakup Pengajar Sarawak (STU) ngarap enggau minta apai indai meri awak ngagai anak sida besekula baka ke udah ditagaka Opis Menteri Pelajar Malaysia (KPM) ke pemaik pelajar bala anak sida.

Presiden STU, Adam Prakash Abdullah madah raban STU meretika pengirau ati ke diasaika bala apai indai jam ke diatu.

“Tang STU ngarapka sida (apai indai) meri pengandal penuh ngagai KPM dalam ngatur pekara pelajar menua.

“KPM udah beratika penyadi sekula enggau nentuka semua nembiak enda lenyau awak instruksional. Tu beratika awak ke udah mayuh tebasau ketegal Covid-19,” ku iya maya dirandau Suara Sarawak kemari.

Kenu ku iya mega, pengudah beratika pekara nya mega nyadi taga baru besekula udah dibantai lalu STU andal perambu nya manah ungkup semua raban pengajar enggau nembiak sekula.

“STU ngarapka pekara pelajar ba menua tu deka nyadi manah agi ba taun 2022 enggau araoka semua kitai ulih nyendiaka servis ke pemadu manah ungkup semua.

“Kitai mega minta semua raban meri penemu enggau buah runding ke manah ngagai KPM nuema bisi pelasar ke engkeman.

“Tu nyengkaum kitai enggau bisi apai indai mansutka jaku enda manah ba media rama,” ku tandu iya.

Sebedau tu, Menteri Kanan Pelajar, Datuk Dr Radzi Jidin, madah asil ari timpuh ngemanjaika taga besekula ba selampur menua Malaysia, semua nembiak deka mengkang ba taun tauka kelas baka ba taun 2021 sebedau dikemendarka ngalih ngagai kelas baru berengkah Mac 2022.

Ku iya jam besekula ungkup taun 2021 deka panjai mimit nyentuk Februari 2022 endur KPM nentuka semua nembiak, lebih agi sida ke udah tinggal ulih nyikap diri sebedau masuk kelas ngagai taun baru.

Radzi nerang timpuh ngapuska belajar 2022 nkyentuk Februari 2022 udah diputuska ngambika bala pengajar beratika tikas pelajar bala nembiak lebih agi ngagai nembiak ke bisi penanggul sekumbang sesi ngajar enggau belajar ba rumah (PdPR).

Suara Sarawak