NINGAKA SEBANA…Lidam (dua kiba) benung mendingka sebaka ke bisi dikenataika peranak Nanga Iran Song.

SONG: Kaban Kunsil Nengeri (Adun) Katibas, Lidam Assan bisi datai ngenyit ke Nanga Iran Song laban deka nemu penanggul ke bisi ditapi rayat ba menua nya.

Ku Lidam pejalai iya kia endang sigi datai diri ngabas sereta deka nukuka nama penanggul ditapi peranak menua nya.

“Penemuai aku kia sigi digaga ngenyit laban deka nemu nama peminta peranak Nanga Iran,” ku Lidam madah ngagai pengari Suara Sarawak, ensana.

Udah nya, ku Lidam, iya bisi ngulu aum Parti Pesaka Bumiputera Bersatu (PBB) Pampang Katibas.

“Sepengudah tembu ngulu aum nya, aku bisi ngabas rayat ke diau besemak.

“Tuju pejalai aku mega laban deka berundingka penanggul ke bisi nekul rayat ditu,” ku iya.

Berebak enggau nya, iya meri beterima kasih ngagai peranak Rumah Lajan, Sungai Song enggau mega sida di Sungai Iran.

“Aku minta ampun laban aku datai ngenyit ngabas kita, nadai bepadah tang tuju aku sigi deka nyaup mutarka nama penanggul ti nekul rayat serera deka meda penusah rayat lebih enggau semak agi,” tandu iya.

Nangkan ke nya, Lidam ngelalau rayat ba Dun Katibas terus nyukung iya ngatur pemansang ba sitak nya.

Sama datai nyempulang pejalai Lidam ke Nanga Iran Song iya nya bala kaban PBB Pampang Katibas.

Suara Sarawak