Slug: ai samarahan
25032

KOTA SAMARAHAN: Bekal ai dipelaba deka tejanggal ba sekeda kandang menua di Samarahan nyengkaum Tembirat, Asajaya, Sadong, Kampung Ensenggei Iban, Kampung Ensenggei Melayu, Seruyuk enggau Ladong kena pagila (26 March) berengkah pukul 6 lemai nyentuk pukul 6 pagi (27 March).

Opis Bekal Ai Menua Pesisir (JBALB) nengah sebengkah penerang madahka pekara nya bekau ari pengawa nyambung paip pemesai 700 milimeter (mm) ngimbai Stesyen Pam Pengalak Tembirat.

“Taja pia, peneras ai deka nambah berenggat pengudah pengawa nyambung paip tu tembu ila,” ku penerang nya.

Nya alai, penguna ba genturung pendiau ti disebut tadi dilalau nimbun ai ti chukup ke guna sepengelama timpuh penanggul nya nyadi.

JBALB madahka, raban sida deka nentuka penanggul bekal ai tu ulih diputarka enggau lengkas.

Iya madahka, penanggul bekal ai tu deka suman berenggat sereta ngarapka bala penguna besabar.

Ungkup penerang silik, mensia mayuh ulih minta penerang ngagai JBALB Bagi Menua Samarahan ba lumur 082-262211 tauka ngelawa laman web rasmi https://jbalb.sarawak.gov.my/ enggau media rama JBALB Sarawak.

 

Suara Sarawak