Bungai Rafflesia.

KUCHING: Mensia mayuh ulih ngusung Taman Negara Gunung Gading enti deka meda bungai Rafflesia kedua ti benung ngerembai.

Nitihka penerang media ti dikeluarka Kaunsil Kampung Sarawak (SFC), temuai ulih datai berengkah 13 March nyentuk 18 March iya nya sepengelama enam hari.

“Rafflesia ti dikumbai Rafflesia tuan-mudae nya diatu benung ngerembai, bisi lima tupang pemesai 55cm diameter.

“Nangkan nya, temuai mesti nitihka malin temuai maya bejalai dalam taman,” ku penerang SFC nengah siti penerang ba facebook.

Ku penerang nya mega, penyauh ari Park HQ ngagai palan bungai Rafflesia iya nya 250 meter lalu pejalai nuju bungai ngambi awak urung 10 minit bedarat.

Berebak enggau nya, SFC ngelalu bala temuai seruran nitihka Atur Pengawa Standard (SOP) ti udah ditetapka seraya ngasaika pemanah rampa menua dia.

Ungkup penerang, mensia mayuh ulih betefon ngagai opis SFC ba lumur 082-735144.

Poster pasal Rafflesia tuan-mudae.

Suara Sarawak