KUCHING: Premier Sarawak, Datuk Patinggi Tan Sri Abang Johari Tun Abang Openg nerima dua penemuai basa di Opis Premier Sarawak, Ringkat 22, Wisma Bapa Malaysia, Petra Jaya pagi kemari.

Penemuai basa keterubah nya ari Duta Kesatuan Eropah ke Malaysia His Excellency (H.E) Michalis Rokas.

Tuju penemuai nya laban deka negapka kaul diplomatik, ekonomi enggau dagang entara benua Eropah enggau Sarawak.

Rokas mega meri terima kasih ke pemanah basa Premier Sarawak enggau Perintah Sarawak nerima penatai iya.

Premier Sarawak mega nerima penemuai ari Konsul Jeneral Republik Rakyat China His Excellency (H.E) Cheng Guangzhong ke deka belidar gawa.

Penemuai nya kelai meri terima kasih ngagai Premier Sarawak laban udah meri kerejasama sereta nanggam kaul ke manah lebih agi Perintah Malaysia enggau Perintah Sarawak.

Suara Sarawak