NADAI ENDUR PAKING…Penanggul nadai palan paking ba pasar Pakan suah nyadi maya ujung minggu.

PAKAN: Gerempung Raban Pakan (GRP) ngansak perintah ngelengkaska pemansang ke udah dilanggur ungkup menua Pakan ngambika ulih sebaka mansang bukai bukai.

Chairman iya, Jerenang Jawa madahka Pakan agi tubah randaka pemansang infrastruktur ke pemaik rayat.

“Naka tu, pasar Pakan semina bisi lima buah begunan kedai aja tang penyampau mensia chukup mensia nyadi patut amat dibuka mayuh agi palan endur bedagang dikena nyungkak ekonomi peranak Pakan.

“Pia mega GRP naka ulih mantaika sebana mensia mayuh sereta nyaup perintah ngemujurka langgur pemansang di Pakan.

“GRP endang ngembuan pengandal ke besai ngagai pengari rayat ti udah dipilih ambika ulih bejalaika tanggungpengawa enggau manah,” ku Jerenang.

Ku tandu Jerenang, GRP mega minta perintah nambahka palan paking kerita ba pasar Pakan ke diperati balat sekut.

“Naka tu, palan paking enda chukup ngujungka mensia mayuh nyau paking sebarang endur lebih agi ba tisi jalai.

“Nya alai, pekara nya tau bendar ngeruga pengelikun mensia mayuh ke bela betengahka jalai maya lebih agi maya ujung minggu,” ku iya.

Chairman GRP Jerenang Jawa.

Suara Sarawak