Valerie Mashman

KUCHING: Raban kurator baru di Muzium Budaya Borneo dikeandal ulih mereti enggau bebasaka sejarah lebih agi pesaka ti dikembuan rumah panjai Gensurai, Layar di Betong.

Felo Pemansik Bersekutu, Institut Pansik Borneo, Universiti Malaysia Sarawak (Unimas) Valerie Mashman madah, pekara nya engka ulih dipeda di Indonesia ke mai reti pesaka nya chukup beguna.

Ku iya, Muzium Indonesia nyadi penyaga pesaka, ukai semina ari rayat nya empu enggau pesaka wilayah tang mega ba bansa.

“Nya kebuah, arapka penyiru Rumah Panjai Gensurai pasal peska sida ulih dijaga raban kurator baru di Muzium Budaya Borneo.

“Kami mega ngarapka kisah bot perang dalam ekspedisi soldadu enggau kuasa nyuman dipadah ari Gensurai ngagai Kuching enggau Kuala Lumpur,” terang iya.

Valerie mansutka jaku nya ba Program “The Healing Power of Warboat & The Legacy of The Ancestors” nengah aplikasyen Zoom kena 28 Febuari tu tadi.

Berebak enggau nya, Valerie mega madahka kisah tu nyadi sejarah ti numbuhka menua Malaysia.
“Pia mega, mensia mayuh mega beratika muzium nya pesaka sida lalu tu mega udah lama nyadi pekara besai dalam Muzium Sarawak.

“Ambika banding, baka dipeda ex-kurator, Muzium Sarawak nya sebagi ari orang ti temegah ngibun pengaya pesaka budaya sida,” terang iya.

Ungkup rikod, komuniti Iban di Sarawak kaya enggau bemacham pesaka enggau budaya ti ditampung ari aki ini kitai kelia.

Pia mega, budaya Iban datai ari dua pekara ti bebida iya nya Pesaka Asal enggau Pesaka.

Nya alai, kededua pekara tu besai guna dalam budaya Iban nyentuk diatu.

Suara Sarawak