“Kami dekaka kaban kitai (PBB) dijaga enggau manah ngambi PBB terus tegap lalu kaban parti seruran nambah.”

SIBU: Semua tuai pampang Parti Pesaka Bumiputera Bersatu (PBB) ba selampur menua tu mesti nyaga pengelantang kaban sida.

Nya mih jaku dibantai Mandal Presiden PBB, Datuk Amar Douglas Uggah Embas lebuh bejadika aum pengari tiga taun sekali PBB Pampang Bawang Assan enggau Tamin ba sebuah hotel, malam tadi.

Ku iya ke mega Sapit Premier Sarawak, pekara nya beguna amat lebih agi ba sitak Dun ukai dipegai iya.

“Ba sitak pengawa bepilih baka nya, kita ke nyadi chairman pampang deka megai tanggungpengawa nyadi pengari rayat.

“Kami dekaka kaban kitai (PBB) dijaga enggau manah ngambi PBB terus tegap lalu kaban parti seruran nambah,” ku Uggah.

Uggah madah, parti nya diatu ngempu 47 ari 82 penuduk Dun.

“Enti kaban kita bisi penanggul, awakka pengari rayat ba sitak dipadahka dulu. Udah nya berandau enggau supreme parti (PBB) mega.

“Kami deka berundingka chara mantu sida,” ku Uggah.

Ku iya, tuai pampang mesti chakah mantu nyaga pengelantang kaban parti.

Suara Sarawak