Roland (dua kiba) benung mendingka penerang ari Dr Lulie pasal pekara ti dipansik Tropi ditu kilah ensana.

KOTA SAMARAHAN: Palan Pemansik Tanah Kerapa Sarawak (Tropi) chakah dalam ngatur pansik khas bekaul guna tanah kerapa ti ami enggau peluang ngagai ekonomi ngena tanah nya ungkup utai tanam.

Direktor Tropi Sarawak Dr Lulie Melling madahka palan nya nyadi sebuah palan pansik ti diaku entarabansa.

“Kami ngatur mayuh kerejasama enggau palan pelajar tinggi di dalam enggau luar menua ungkup bidang pansil tanah kerapa.

“Penyulut Tropi Sarawak nyadi sebuah palan pelajar ti bekaul enggau guna tanah kerapa bisi disediaka dalam nembuka pansik sebedau keluar ari palan pansik nitihka tikas pelajar,” ku iya.

Lulie bejaku munyi nya rambau Tropi Sarawak nerima penemuai basa ari Menteri Pelajar, Inovasyen Enggau Pemansang Penau Datuk Roland Sagah Wee Inn ditu kilah, ensana.

Pejalai ngabas palan pemansik nya diatur semina deka ngabas begian palan pemansik ti bisi ba palan nya.

Sama bisi enggau rambau penemuai basa tu Sapit Menteri Pelajar, Inovasyen Enggau Pemansang Penau ll Datuk Francis Harden Hollis enggau bala bukai.

Suara Sarawak