SIBU: Serikat rekoding lagu Iban W&E Entertainment nengah kerejasama Swan Station Music Café diatu benung ngiga penanyi baru.

Ku Menijar W&E Entertainment, Wandie Alie, pekit Swan Voice Challenge 2022 endang tebuka ngagai semua ke rindu ba pengawa belagu.

“Pekit tu diatur laban kami diatu benung begigaka penanyi ke baru ti deka ngerikod lagu ba baruh perabung serikat tu.

“Enggau penatai penanyi ke baru nengah audisyen tu dikearapka ulih ngeranchakka agi industri muzik kitai Iban,” ku Wandie.

Wandie madah baru, bayar masuk pekit belagu nya semina RM50 siku.

Sebarang tanya enggau penerang pasal pekit tau telefon ngagai Komiti pengatur pekit ari W&E Entertainment ba lumur telefon 013-2949815, 016-8913398, enggau 010-9799117.

berita penuh Ruai 5 pagila

Suara Sarawak