92 kes baru, siti kes pemati dirikod ba S’wak sehari tu

KUCHING: Sarawak nerikod 92 kes positif Covid-19 baru sehari tu ngujungka penyampau kes positif di menua tu manggai 303,982 kes.

Komiti Penyangga Penusah Nengeri (JPBN) ba penerang media madahka semua kes positif nya ba kategori 1 enggau 2.

Kes positif dirikodka ba Pelilih Menua Kuching (24), Miri (22), Bintulu (13), Sibu (5), Subis (4), Sarikei, Serian enggau Limbang (3), Samarahan, Sebauh, Lubok Antu enggau Bau (2) ke alai Lundu, Mukah, Lawas, Dalat, Marudi, Saratok enggau Pakan bela siti kes.

Penerang nya mega madahka, siti kes pemati dirikod ngaul siku indu beumur 74 taun ari Miri.

Tudah ti midang tu ditukuka ditepan penyakit bukai iya nya darah tinggi.

Kelimpah ari nya, nadai kluster baru dirikodka lalu mensia mayuh dipinta terus nitihka Atur Pengawa Standard (SOP) nagang pengerekai penyakit Covid-19.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak