SIBU: Parti Bansa Dayak Sarawak (PBDS) minta perintah menua ngangatka Wang Turu Pelajar Teknikal Rayat Sarawak (Teras) nyadi palan pelajar tinggi tauka universiti ke baru.

Presiden PBDS, Bobby William minta Premier Sarawak Datuk Patinggi Tan Sri Abang Johari berundingka pekara nya enggau lenak agi.

Ku iya, semina Premier Sarawak aja mih nemu baka ni chara ngepunka pekara nya laban nya endang tanggungpengawa iya enti pechayaka bansa Dayak.

“Bala menyadi ke bansa bukai baka China, Tamil, India enggau Melayu udah bisi sistem pelajar enggau sekula kediri empu tang semina Dayak aja ke bedau bisi.

“Ba pekara meri agih belanja dikena ngangkatka Teras tu nyadi sebuah palan pelajar tinggi endang nadai penanggul ba Perintah Sarawak laban menua tu bisi pengelebih ba penatai pemisi.

“Tang utai ti chukup beguna iya nya inisiatif ari Perintah Sarawak dikena ngaduka pekara tu lalu arapka nama utai dikedeka Dayak patut didinga,” ku Bobby.

Berita penuh Ruai 2 pagila

Bobby William

Suara Sarawak