SARATOK: Bersepai FC mujur menggi gelar champion Pekit Main Bol Trofi YB Datuk Ali Biju ba renggat kepenudi diatur 2 April tu tadi.

Tim nya ngalahka Skyline FC enggau pemutus 1 – 0, pulai mai perais mata duit RM5,000 enggau Trofi YB Datuk Ali Biju seraya midul diberi ngagai genap iku pemain.

Gol berega tim Bersepai FC nya udah dipasukka pemain benama Dady Mulyadi Rahmat ba minit ke-36.

Skyline FC nerima perais mata duit RM2,000, trofi enggau midul seraya penuduk ketiga dikunsi Debak United enggau Qasa Ilham ti sama nerima RM1,000, trofi enggau midul mega.

Pekit Main Bol Saberkas Pampang Kalaka Trofi Datuk Ali Biju, Sapit Menteri Pengeluar Kuasa enggau Pengeraja Asal Mit P205 Saratok Taun 2022 diatur begulai enggau Kelab Pagan Croc Saratok.

Berita penuh ba Ruai 4 pagila

KAMI CHAMPION… Pemain Bersepai FC nyaguka trofi dimenang sida.

Suara Sarawak