SIBU: Perintah Sarawak patut beratika penemu ari parti luar ti ukai dalam Gempung Parti Sarawak (GPS) ambika pulai pemaik ungkup semua.

Ku Presiden Parti Bansa Dayak Sarawak (PBDS) Bobby William, taja pan nyakal tang tinjau penemu ti jauh patut dikembuan sereta didingaka ukai semina ngenjingka penemu ari sebengkah parti ti seperau aja.

Berindik ari nya, iya minta perintah menua patut sepenemu enggau semua parti politik ti ukai dalam GPS.

Nya alai, iya minta Premier Sarawak anang ngenjingka penemu ari bala GPS aja tang patut ningaka penemu ari bala ti nyakal.

Bobby mansutka jaku nya ba sebengkah penerang lebuh iya nyukung penemu ti dipansutka Presiden Parti Rakyat Sarawak (PRS) Datuk Joseph Salang ba Aum Tiga Taun Sekali parti nya empai lama.

Ku iya, ba pekara ti dipansutka Salang endang nyata ba penyampau tubuh bansa Dayak diambi gawa megai pangkat ba Jusa A, Jusa B enggau Jusa C.

“Mayuh anak Dayak ti ngembuan pengelandik enda diterima kereja perintah lalu aku kala mansutka jaku tu suba.

“Tu ukai jaku tempa, laban ngelamatu aku kala madah tang dikumbai orang penemu bula dikena ngulihka sukung undi,” ku Bobby.

Nandu pekara ke sebaka, Bobby mega setujuka jaku ti bekaul pengurang raban bansa Dayak diberi awak mangku pengawa ba Opis Setengan Dikuasa Perintah (GLC).

Berita penuh ba Ruai 3 pagila

Bobby Wiliam

Suara Sarawak