RINDANG… Ali disempulang bala bukai benung nyinuk meda bala pemain Debak United enggau FC Jingga belaban ba padang.

SARATOK: Pengeransing bemain enggau disiplin tinggi ditunjukka bala pemain sekumbang Pekit Main Bol Trofi YB Datuk Ali Biju ngemantupka ati.

Sapit Menteri Pengeluar Kuasa enggau Pengeraja Asal, Datuk Ali Biju madahka diri tepantup ati meda tikas disiplin enggau semangat bala pemain ti bepekit.

NGEMERAN DISIPLIN TINGGI… Pengari ari Debak United enggau FC Jingga begambar ungkup kenang sebedau bemain.

Ku iya, puji mega patut diberi ngagai bala Komiti Saberkas Pampang Kalaka enggau Kelab Pagan Croc Saratok ti udah mujur ngatur pekit pengelama 15 hari nya.

“Semangat bemain enggau disiplin baka tu dikedeka kitai, bepekit enggau chara ti manah.

“Aku rindu endar meda bala kita bela ransing bepasing enggau berebutka buah bol, nyau gidan ati, asai ke deka enggau kita nyipak bol nya.

“Ari bemain baka tu, kitai ulih narak semangat bemain siti tim enggau ngasika atur kelimpah tubuh gerai enggau runding mega deka regas.

“Pekara pemadu beguna, kitai dekaka rayat lebih agi raban nembiak di Saratok ditu bisi aktiviti main enggau lumba ti dipasuk ngambi sida enda tepejuh ngereja ulah enda menuku,” ku iya.

Kaban Parlimen Saratok ti nyadi penaung pekit nya nibarka jaku lebuh ngelimpangka awak diri ba Padang Kaunsil Pelilih Saratok (MDS), pengudah datai ari Kuala Lumpur, empai lama.

Berita penuh ba Ruai 4 pagila

Suara Sarawak