SIBU: Komiti Nembiak enggau Indu Parti Rayat Sarawak (PRS) nyadi pewaris ngiring parti sempama ‘Pemuda Harapan Bangsa, Pemudi Tiang Negara’ (Nembiak Lelaki Dikeandal Bansa, Nembiak Indu Penyukung Menua).

Pekara nya dipansutka Sapit Presiden PRS Datuk Majang Renggi lebuh bejadika Aum Tiga Taun Sekali (TDC) Ke-5 Nembiak enggau Indu PRS ditu, ensana.

Iya madahka pengarap ti tinggi dilempaika ngagai Nembiak enggau Indu PRS ungkup negapka penuduk parti ti ngembuan tanggungpengawa ti besai dalam parti.

“Komiti indu enggau nembiak nyadi tulang belakang ngagai pengerembai parti ari sukut tuai ti diseridi tumu kelebih agi ba renggat nembiak ti deka nyadi waris ngiring PRS,” ku iya ti mega Adun Samalaju.

Nuju ngagai nya, iya minta ngagai sida ti diberi pechaya enggau pengku pengawa bejalaika tanggungpengawa enggau manah.

“Pegai meh tanggungpengawa tu enggau bekereja meh bebendar, ngembuan ulah disiplin enggau integriti ti tinggi awakka PRS terus nyadi sebuah parti politik ti dipebasa,” ku iya.

Majang ti mega Sapit Menteri Infrastruktur enggau Pemansang Penyangkai Kapal ll madahka enti nadai kaul dua sayap tu, pengawa numbuhka sebuah parti politik baka PRS sehari tu enda ulih nyadi.

Iya mega minta ngambika kaban komiti indu enggau nembiak seruran ngemeratka parti ari diri empu.

Sama bisi datai Pemangku Presiden PRS Datuk Joseph Salang Gandum, Tuai Komiti Nembiak PRS Datuk Snowdan Lawan enggau Tuai Komiti Indu PRS Datuk Sri Doris Sophia Brodie.

JAKU LALAU…Majang benung bejaku maya bejadika TDC Ke-5 Nembiak enggau Indu PRS.

Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak