KUCHING: Giga inisiatif nyadi siku pemberita ti nyulut, ku pemberita kanan ari The Malaysia Insight, Desmond Davidson.

Desmond ti ngembuan peneleba lebih 30 taun dalam industri nya mega mega bekunsika chara nulis berita ti manah.

“Bala pemberita mesti ngiga berita eksklusif ngambi bebida isi dalam surat kabar ari media bukai.

“Nya kebuah, pemberita diperansang ngiga cherita kediri empu ngambi ulih meri kisah ti bebida sereta matak minat pemacha,” ku iya nerang.

Desmond mansutka jaku nya ba Bengkel Nulis Berita Ungkup Surat Kabar Tabloid di Ringkat Dua, Opis Suara Sarawak, pagi tadi.

Iya mega bisi bekunsika tips ngulihka bemacham penerang ari bebida pelasar.

Ku iya, pemberita mesti berani mantaika diri ngagai mensia mayuh ngambi dikelala.

“Anang malu begulai enggau orang, kerembaika kaul kita enggau orang bukai,” ku iya.

Bengkel ti diatur berengkah pukul 10 pagi mega nyaup ngansah penau pemberita ngambi ulih nyadi penulis ke manah agi dudi hari.

BEKUNSI PENEMU… Desmond Davidson lebuh bekunsika tips ngagai pemberita lebuh Bengkel Nulis Berita Ungkup Surat Kabar Tabloid di Ringkat Dua, Opis Suara Sarawak, pagi tadi.

Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak