SIBU: Parti Bansa Dayak Sarawak (PBDS) minta rayat kelebih agi bansa Dayak anang charut penemu taja ngembuan penemu politik ti bebida enggau pangan diri.

Sapit Presiden PBDS Julius Enchana madahka, penyarut ba politik endang enda dikemendarka laban tu semina mai pengerugi ngagai bansa Dayak.

“Enti kitai bepolitik, kitai mesti deka tuai runding sereta anang belaya laban politik tu tadi indah baka seni.

“Nya alai aku mesan ngagai kitai semua, anang besapatka ruai ketegal ti enda sepenemu dalam politik laban pengawa nya salah ti ulih ngelemika penyerakup kitai bansa.

“Aku ngarapka jaku lalau sereta tangkan ari aku tu ulih dikenataika ngagai semua bansa kitai ambika enda besengki jaku ketegal politik” ku iya.

Julius mansutka penemu tu lebuh diberi awak bejaku ba mua mayuh beserimbai enggau Pengerami Mantar Gawai Dayak PBDS 2022 ti diatur ba sebengkah palan makai ti tebilang di Sibu malam tadi.

Suara Sarawak