DATUK SRI ALEXANDER NANTA

KUHCHING : Aum besai Parti Pesaka Bumiputera Bersatu (PBB) deka diatur berengkah 17 Nyentuk 19 June tu ba Palan Aum Borneo Kuching (BCCK).

Sekretari Besai Parti PBB, Datuk Sri Alexander Nanta Linggi madah, Premier Sarawak ke mega Presiden PBB, Datuk Patinggi Tan Sri (Dr) Abang Johari Tun Openg deka behadika semua tusun pengawa milih pengari nya ila.

Ku iya, tu nyengkaum milih pengari raban nembiak, pengari indu enggau mega komiti besai.

Iya madah munyi nya ba aum pemberita pengudah Aum Supreme Kaunsil PBB ke diatur ba Indu Opis Parti PBB ba Jalai Bako, kuching, kemari.

Nanta mega madah, aum ke betuaika Abang Johari nya mega berandauka pasal ubah kunstitusyen parti ti ngemasukka sayap baru lalu jam ke diatu dikumbai 1828 dalam PBB.

“Kitai bisi raban orang biak ke diatu dikangau 1828 iya nya sida ke beumur 18 taun ngagai 28 taun ke dikumbai umur agi biak tu laban kitai deka mai sida ke udah otomatik direjister nyadi pengundi.

“Nya alai tu pemansang pemadu baru, lalutu mega senutuk enggau ubah kunstitusuen parti serak tu,” ku iya.

Nangkan ke nya, Nanta mega madah, aum delegit ba renggat pampang udah nganjung bemacham mosyen ngambika digempuru lalu dibai ngagai renggat besai sekeretariat.

“Entara mosyen ke matak perati. Tu ukai pekara baru laban suba mega kitai kala nerima mosyen ke sama laban tebal agi minta mosyen ngambika penuduk presiden enggau sapit presidenenda ibuh bepilih baru,” ku iya.-Ukas

Suara Sarawak