KUCHING: Beserimbai pengerami Hari Raya peranak di mengeri ngambi peluang pulai ke menua ngintu pengerami enggau diri sebilik.

MOHD NUR HAKIMI ABDUL KADIR, 21.

“Nyau deka setaun aku enda pulai laban penyakit Covid-19 ngerekai. Nya ti ngasuh aku lelengau deka pulai ke menua lebih agi deka betemu enggau apai indai. Puji Tuhan gaya Covid-19 majak manah lalu aku bisi peluang pulai ngintu Hari Raya taun tu.”

MOHD NOOR ARIF ADAM, 31

“Peluang pulai Hari Raya tu chukup besai reti ba aku laban lama udah enda pulai ke menua. Sebedau tu sinu meda apai indai ngintu Hari Raya kediri, nasip bendar taun tu aku ulih pulai betemu enggau seduai.”

ANNUAR CHE OSMAN, 52

“Dua taun aku enda pulai ke menua ngintu Hari Raya, puji Tuhan taun tu aku ulih pulai. Gagit asai ati deka datai di menua seraya begelumu enggau bala menyadi. Menyadi aku mayuh, bisi 11 iku.”

Suara Sarawak