REJISTER DITU…Randau pasal program latih ke dipelanja penuh dibaruh Yayasan Pemansang Pelajar Bumiputera dikemujurka  Mohamad Isham Fauzi begulai enggau Abdul Hafidz Ali sereta John Rizal Biki.

KUCHING: Yayasan Pemansang Pelajar Bumiputera (Yayasan Pemansang) deka melanja penuh pelatih ti deka masuk bulan Julai 2022 ba Palan Pemansang Pengelandik Sarawak (Sarawak Skills), Tabuan Jaya, Kuching lalu diatu sida benung nerima nembiak baru ti rejister ungkup bemacham program latih pengelandik.

Tuai Pegawai Komersial (Kaul Strategik enggau Pemansang Dagang), Sarawak Skills Mohamad Isham Fauzi madah raban sida meri terima kasih laban peluang udah diberi Yayasan Pemansang Pelajar Bumiputera nya dikena nambahka penyampau nembiak ke landik sereta dipelanja sida penuh.

“Kebendar, chara tu endang beguna amat dikena nyungkak pengelandik, sereta nambahka pengelandik enggau ngemuntangka pengawa ngangkatka penau.

“Bemacham program latih disedia nengah dua kategori program iya nya Program Pemansang Skil Latih Ungkup Siswazah (PLUS – ungkup siswazah baru dan menganggur) enggau Pemansang Skil Belanja TVET Tambah ungkup raban besai tu ke gawa,” ku iya nengah sebengkah penerang.

Entara program latih dibaruh Program Pemansang Skil Latih Ungkup Siswazah (PLUS) Sarawak Skills iya nya Pakar Kraf Mekatronik – Teknologi PLC (Timpuh 2 Bulan), Pakar Kraf Mekatronik – Sistem Mekatronik (Timpuh 2 Bulan), UAV Disukung Teknologi Sikar Digaga Diri Empu (Ai) Pengawa Meresa (Timpuh 5 Hari) enggau Teknologi Dron Betanam Betupi (Timpuh 10 Hari).

Ungkup nembiak Bumiputera (pemenggi Diploma enggau Bachelor Degree ba kus injinir, Teknologi enggau bidang bekaul), enggau gred pupu rata penuh (PNGK) 2.5 enggau ke atas ari kategori baka tu endang diperansang ngaga peminta.

Tu nyengkaum Siswazah Baru enggau Siswazah Nadai Kereja (nyengkaum sida ke enda datai tiga iti batang pengawa ba peneleba gawa).

Nya alai, peminta mesti beumur entara 19 dan 30 taun. Laban nya sebagi ari atur milih, semua peminta mesti pas peresa (Komponen Bepilih enggau Meresa) diatur Sarawak Skills.

Sida ke dipelanja mega mungkur kedua-dua duit bayar belajar enggau bayar peresa. Ungkup program Pakar Kraf, sekumban belajar (2 bulan), genap pelatih deka diberi elaun belanja ninting bulan.

Udah tembu program Pakar Pakar sereta pas peresa, pelatih deka diberi anugerah setipikit ari HWK Aachen, Jerman.

Udah nya, ungkup program latih ke disedia Gerup Institusyen Belajar Gerup Pengelandik Sarawak ke mega dibaru Pemansang Skil Belanja TVET Tambah iya nya mungkur Pipefitter (Sarawak Skills Kuching), Mainslayer (Sarawak Skills Kuching), Wayaring Gred 1 (Institut Latih Industri Elektrik Sarawak, Kuching enggau Sarawak Skills Miri), Wireman Gred 2 (Institut Latih Industri Elektrik Sarawak, Kuching, Sarawak Skills Mukah & Sarawak Skills Miri), Welding SMAW 3G (Institut Automotif enggau Welding Sarawak, Kuching).

Ungkup orang besai tuai ke benung gawa (status Bumiputera, penatai pemisi baruh RM8,000.00 sebulan) mega diperansang minta masuk ngambi kus tu.

Pemohon mesti beumur entara 18 nyentuk 35 taun. Belanja nya mungkur dua iti bayar panjar belajar enggau bayar peresa. Timouh program ungkup program dibaruh Pemansang Skil Belanja TVET Tambah iya nya pengelama tujuh hari (nyengkaum peresa).

Suara Sarawak