KAPIT: Kaban Kunsil Nengeri (Adun) Baleh, Nicholas Kudi Jantai minta ketuai komuniti Dayak ba menua nya ngembuan ulah ti manah enggau penemu ti lurus lebuh bejalaika tanggungpengawa ungkup rayat mayuh.

Ku Nicholas, sida ti udah dipilih nyadi ketuai mesti bisi integriti, anang bula lalu semampai ngayanka diri nyadi ketuai ti tuai runding.

Adun Baleh nya mansutka jaku tu lebuh diberi basa bejadika Aum Besai Dua Taun Sekali (AGM) Gerempung Ketuai Komuniti Dayak (KADDCLA) Sesi 21/23 Bagi Menua Kapit ensanus.

Ba program nya, iya mega nerangka enggau nyemetak tuju gerempung KADDCLA tu ditumbuh ungkup ketuai dalam komuniti Dayak ba Kapit.

Ku iya, pengawa nyadi siku ketuai endang disempamaka baka sebuah jematan alai rayat mantaika sebana enggau peminta ngagai perintah.

Ngena peluang nya mega, Nicholas minta semua raban dalam KADDCLA terus nyukung polisi ti udah enggau deka dipejalaika perintah.

PANGKUNG DULU…Nicholas Kudi Jantai mangkung tawak dikena bejadika program AGM KADDCLA 21/23.

Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak