Pengerami Pasar Gawai Dayak di Bintulu berengkah sehari tu

BINTULU: Gerempung Pemansang Dayak Bintulu (Bangun) deka ngatur Pengerami Pasar Gawai Dayak beserimbai enggau pengerami Gawai Dayak ti deka datai.

Nitihka penerang ari Sekretari Bangun, Reenie Rinit Nyandang madahka pengerami tu ila disadang deka dipenyadika Kaban Kunsil Nengeri (Adun) Samalaju Datuk Majang Renggi.

“Pengerami tu deka dipenyadi kena 14 Mei tu, pukul 2 lemai ba Tamu Emart Bintulu.

“Maya nya ila mega, Majang deka diberi basa bejadika Program Meri Bubur Kasak (Kapu) ba arung penama ngagai tamu Emart tu.

“Bubur tu endang diberi enggau pechuma lalu sapa kedulu datai sida deka diampit enggau pemeri tu,” ku penerang Reenie.

Pia mega ku Reenie, mua ke pagi bisi diatur Pekit Nyumpit bepalan ba tengah laman tamu tu.

Pekit Nyumpit tu bisi dua kategori iya nya lelaki enggau indu tebuka diatur dua renggat ungkup setiap iku penyereta.

“Ungkup sida teulihka gelar champion ba pekit tu, deka nerima perais mata duit RM1000 lalu disempulang enggau setipikit.

“Perais lumur dua deka nerima mata duit RM700 sereta mega enggau setipikit lalu bagi sida ke bulih lumur tiga diberi setipikit enggau RM500,” ku iya.
Ungkup ke penerang, Pengerami Pasar Gawai Dayak tu ila deka belabuh ari 10 Mei nyentukka 19 Mei 2022.

Barang sapa deka nemu penerang silik pasal pengerami tau betelefon terus nuju Agat Sagai ba lumur telefon 011-25115770, Ayum Balai (019-8551378) enggau Rennie (014-2071213).

SEKRETARI BANGUN… REENIE RINIT NYANDANG

Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak