SAUT ARI MENTERI…Liwan benung nyaut tanya Adun Meluan Rolland Duat Jubin ba Aum Dun ditu, kemari.

KUCHING: Bisi semilan bengkah projek telekomunikasyen dibaruh Sarawak Multimedia Authority Rural Telecommunication (Smart) ba Dun Meluan dipelaba tembu ba renggat keempat taun 2022.

Sapit Menteri Utiliti Enggau Telekomunikasyen l Datuk Liwan Lagang madahka diatu semua projek telekomunikasyen tu benung digaga enggau dipejalaika.

“Kelimpah ari nya, dibaruh Pelin Jalinan Digital Negara (Jendela) bisi 29 buah tiang arus penyambung baru digaga taun tu.

“Projek tu udah berengkah ke alai pengawa ti diadu sida maya diatu iya nya ba renggat nimpai taba,” ku iya.

Liwan bejaku munyi nya, nyaut tanya Adun Meluan Rolland Duat Jubin ba Aum Dun ditu, kemari.

Ku iya, dua ari 29 buah tiang arus penyambung nya dipelabaka tembu ba renggat kedua taun 2023 ke alai laluh 27 buah tiang arus penyambung dipelabaka tembu ba renggat ketiga taun 2023.

Iya madahka, palan di sitak Meluan ti deka nerima bungkur pemaik telekomunikasyen dibaruh Smart Renggat Keterubah iya nya Ulu Entabai, Nanga Ensiring, Nanga Klangas, Nanga Sepitoh, Batu 15 Jalan KJD, Ulu Balut Lasi, Sungai Strass, Tg. Udol enggau Nanga Ayam.

Nangkan nya, iya ngerintaika 25 buah palan udah nerima bungkur Jalur Lebar Satelit di Dun Meluan iya nya Rumah Meluda, Rumah Santing Jugi, Rumah Brayan, Rumah Simba, Rumah Meru Sungai Engkabang Ulu Entaih, Rumah Sumping Bebelit Ulu Entaih, Rumah Umar Sungai Temiang Ulu Entaih, Rumah Ali Nanga Melepong Entabai, Rumah Kanip Letong Entabai, Rumah Jepun Nanga Masit Ulu Kanowit, Nanga Nunyau Julau, Rumah Nyaiyang Ulu Kanowit, Rumah Andi Lubok Besai Entaih, Rumah Jelian, Rumah Dana 2, Rumah Tadong, Bukit Sari, Rumah Kedit Sungai Buluh Kemalih, Rumah Musit Belili, Rumah Nyakit Sungai Bangkit Ulu Entaih, Rumah Mawa Nanga Masit Ulu Kanowit, Rumah Jalin Nanga Masit Ulu Kanowit, Rumah Japar Nanga Kemalih Ulu Entabai, Rumah Jalang Nanga Bayu Entabai enggau Rumah Moris Nanga Lasi.

Suara Sarawak