Sida ke nyadi pengajar suah disempamaka dian ti nunu diri dikena meri penampak ngagai orang ke ngelingi. Baka nya enggau bala pengajar sida sanggup meri pengidup diri ngiri semua penemu ke dikembuan ngambika bala nembiak ke diajar ulih nyadi orang ke menyana.

Serak tu, Suara Sarawak bisi ngerandau sekeda orang lalu bekunsika pesan Hari Pengajar ari sida nuju bala pengajar ti kala ngajar enggau meri pangka besai dalam pengidup sida.


JALIN JAWIE

“Orang ke nyadi pengajar endang orang ke chukup kering ari segi runding lalu sida iya endang enda kala nyebut diri enda alah ba pengawa ngembing nembiak besekula. Sida iya endang enggau pengabis ati meri awak ngajar nembiak ngambika nyadi orang ti menyana jemah ila ungkup bansa enggau menua.Terima kasih pengajar lalu arapka semua kita semampai ransing ngiri penemu ngagai nembiak besekula”.


PHOEBE CHLOE

“Selamat Hari Pengajar nuju semua pengajar ba menua tu lalu aku meri jaku terima kasih laban udah nempa aku enggau benih pemandai dikena ngidupka diri.”


BABAI TIBU

“Aku ngena peluang tu meri jaku terima kasih ngagai bala pegajar ti udah narak aku nyadi siku orang ke beguna enggau mujur ba pengawa.Pia mega jaku lalau ari kita pengajar endang semampai dikeingatka aku nyentukka jemah ila.Selamat Hari Pengajar lalu jasa kita enda ulih ditiu enggau jaku lalu semina Petara aja ulih malas”.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak