BINTULU: Servis bas singah deka terus diguna sebagi ari servis perengka pengangkut mensia mayuh kelimpah ari van belisin, e-hailing enggau teksi.

Menteri Perengka Pengangkut Sarawak Datuk Sri Lee Kim Shin madah, ungkup sida ke bedau ulih meli perengka pengangkut kediri, nya endang servis ke beguna dikena bejalai ba mengeri ungkup ngatur pengawa diri.

Bepelasarka perati iya, perengka pengangkut basa ba mengeri ukai semina agi meruan dipilih tang mega ungkup perati ke lebih besai, ulih mantu ngurangka jalai raya sekut lebih agi baka ba Sarawak.

“Perengka pengangkut bas besai guna la trafik mengeri laban bas ulih ngundan 40 iku penumpang sekali bejalai.

“Ba penemu matematik, majak mayuh orang ngena basa, nyangka kitai deka meda jalai puang agi nadai sekut, ku iya maya bejadika program Subsidi Tambang Bas Berega RM1 di Terminal Bas 1Malaysia, ditu, kemari.

Kenu ku Lee,  bepelasarka statistik  2021,  ba selampur Sarawak, urung 1,168,694 kereban pengangkut baka motosikal enggau kerita bisi 34.8%(407,247) enggau 59.4% (694,570).

“Ungkup taun 2021, Bintulu bisi 90,554 kereban pengangkut.

” Tu semina 7.78% ari penyampau kereban pengangkut ba Sarawak; enggau ba Bintulu tu 27% (24,450) iya nya motosikal.

“Nitihka penerang pengelama lebih 10 taun Bintulu nadai ngembuan servis bas singah ,ku iya.

Kenu ku iya mega, penadai kereban pengangkut mensia mayuh ba Bintulu ukai semina ngeruga serikat bas ke ditumbuh baka Jepak di Bintulu laban ba Kuching, serikat ke ditumbuh ba taun 1950-an baka Chin Lian Long enggau Serikat Perengka Pengangkut Sarawak mega udah tutup keda laban mayuh besemekih enggau servis bukai baka van belisin enggau nadai belisin.

“Kebendar maya penumbuh keterubah iya nya ba mengeri Bintulu, perengka pengangkutan bas mensia mayuh endang siti ari perengka ke tebilang.

Pengawa sehari tu kelai perintah Sarawak enda leju mai ubah dikena mantu mensia mayuh ke suah bejalai mindaj kin kitu ba darat.

Sama bisi datai Adun Tanjong Batu Johnny Pang Leong Meng.

BEJADI…Datuk Sri Lee Kim Shin ngetas riben kelai bejadika Program Subsidi Tambang Bas Berega RM1 di Terminal Bas 1Malaysia, Bintulu.

Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak