TAMAN KARAVAN…Premier Sarawak merambu deka numbuhka Motorhome Park tauka Taman Karavan di Pantai Belawai.-Kredit Foto Fb Smokeybandit Sight Studio

BELAWAI:  Premier Sarawak Datuk Patinggi Abang Johari Tun Openg madah merambu deka numbuhka Motorhome Park tauka Taman Karavan di Pantai Belawai.

Ku iya, pansik teknikal deka digaga dulu bekaul enggau tebing pantai tusur ba Pantai Belawai sebedaun Projek Ngaga Waterfront dipejalaika ba endur nya.

Iya mansutka pekara nya ba Aum Pemberita pengudah ngulu Pengerami ‘Melanggar Raya Samah’ Premier Sarawak di Tebing Pantai Belawai, ensana.

Berebak enggau nya, Abang Johari madah Kampung Jerijih enggau Kampung Belawai deka ditangkir nengah Skim Nangkir Genturung Pendiau (SPK) ngena chara baru.

Ku iya, agih belanja ungkup SPK Kampung Jerijih udah dikemendar sepenyampau RM20 juta ditangkan Kampung Belawai bela udah dikemendar nerima agih sepenyampau RM13.7 juta.

Kelimpah nya, ku iya Perintah GPS mega deka nyendiaka bantu bayar panjar sepenyampau RM10,000 ungkup pemeli rumah raban B40.

Ku iya, Perintah Sarawak mega nyendiaka servis jali wang ngagai pemeli rumah nengah Mutiara Mortgage lalu ngeletak bayar bungai semina 1 peratus aja.-Ukas

TAMAN KARAVAN…Premier Sarawak merambu deka numbuhka Motorhome Park tauka Taman Karavan di Pantai Belawai.-Kredit Foto Fb Smokeybandit Sight Studio

Suara Sarawak