PADAWAN: Mensia mayuh dilalau patut seruran nyeliahka ulah beserekang penemu bekaul enggau batang pengarap ke dipegai sida.

Sapit Menteri Pengawa Bekebun enggau Komiditi, Datuk Willie Mongin mantaika penemu nya lebuh bejaku ba sebengkah Pengerami Ngintu Aidilfitri ba Kampung Senah Rayang ditu empai lama.

Udah nya, Willie ngelalau mensia mayuh kelebih agi bansa Bidayuh ngambika seruran beserakup sereta nyeliahka diri ari beserekang penemu ketegal pengarap dipegai sida.

“Taja pan kitai tu ngembuan batang pengarap ke bebida tang kitai mega tetap sebaka ba mayuh bengkah pekara,” ku Willie.

Ba pengerami nya, Willie ke mega Kaban Parlimen P.198 Puncak Borneo bela nyuaka agih belanja ke nyampau RM22,000 ngagai Komiti Nembiak enggau RM10,000 ngagai JKKK genturung pendiau nya.

Sama bisi ngulu pengerami nya Tuai Raban Bansa Kampung Senah Rayang, Johari Mohd, Chairman Gerija St. James Rayang, Rajak Temboh, Tuai Komiti Nembiak, Mohd Zamri, raban JKKK enggau bala bukai.

DATUK WILLIE MONGIN 

Suara Sarawak