NGILING BIDAI…Premier Datuk Patinggi Tan Si Abang Johari Tun Openg (tengah) begulai enggau Sapit Premier Datuk Amar Douglas Uggah Embas (empat kiba) sereta bala bukai megai tikai rutan ke udah tembu digiling kelai nutup Gawai. Bela dipeda Chairman Pengerami ke mega Sapit Menteri ba Opis Premier (Orang Gawa, Imigresen enggau Pematau Projek) Datuk Gerawat Gala (empat kanan), Datuk Liwan Lagang (tiga kanan) enggau Kennedy Chukpai Ugon sereta mega Datuk John Sikie Tayai (dua kina), Datuk Majang Renggi (kiba) enggau Datuk Gerald Rentap Jabu (tiga kiba) Datuk Julaihi Narawi (kanan), Dennis Ngau enggau bala bukai. -Gambar RAMIDI SUBARI

KUCHING: Raban bansa Dayak di Sarawak ngembuan pengaya tanah ti ulih dikemansangka endur ngatur aktiviti betanam betupi moden.

Premier Sarawak Datuk Patinggi Tan Sri Abang Johari Tun Openg madahka tanah nya enda ulih diteju puang awakka ulih ngemansutka produktiviti ti manah.

“Dalam pekara tu betanam betupi komersil enggau aktiviti betanam betupi mesti diatur kita ngena teknologi moden.

“Nya nyengkaum nguna kereban digital awakka kita ulih ngeluarka asil ti mayuh baka pemakai enggau komoditi bukai,” ku iya.

Abang Johari bejaku munyi nya rambau bejadika Pengerami Makai Lemai Gawai Dayak Renggat Nengeri Sarawak di Palan Aum Borneo Kuching (BCCK), enasana.

Ku iya, dunya diatu majak napi penanggul kurang pemakai lalu enti dipeda ngagai bumi Sarawak, menua tu ngembuan pengeluas tanah ti besai ti ulih ngeluarka barang pemakai kediri.

“Kitai betuah laban diberi petara tanah ti besai lalu disangkung Iya enggau semua pengaya ba dunya.

“Penanggul tu ulih diputarka seagi kitai nemu chara nguna tanah nengah langgur ti meruan enggau teknologi moden,” ku iya.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak