KUCHING: Kaban PBB andalka pemansang terus diasaika rayat dibaruh iring Premier Sarawak Datuk Patinggi Tan Sri Abang Johari Tun Openg.

MELAI ALANG, 65

“Aku ari Dun Belaga. Kami di Belaga endang bisi ngasaika pemansang ti bedau diasaika suba baka arus penyambung, bekal kuasa karan enggau bekal ai taja pan bedau penuh. Tang penyenang tu udah diasaika kami. Tu pengawa raban tuai ti meda pemar ti ditapi kami ba ulu sungai.”

FLORA USUN, 32

“Aku datai ari Telang Usan, Baram. Kami din endang bisi ngasaika pemansang ari perintah baka sukut dagang enggau ke bukai taja pan agi bisi ti patut diseruri. Arus penyambung, solar enggau ai pan kami udah bisi. Aku ngarapka jalai ke menua kami diseruri manah agi laban diatu kami agi nguna jalai batang.”

SYAMSUL RAPI, 40

“Aku datai ari Dun Semop. Pemansang ti diasaika kami din bisi projek dua buah jematan iya nya Jematan Batang Paloh enggau Jematan Batang Lassa. Suba kami ngena bot express sehari setengah baru datai di menua. Diatu sehari aja udah datai.”


ZAINAB HASIM, 74

“Aku ari Dun Bukit Assek. Aku ngarapka mayuh agi pemansang dibai ngagai menua kami kelebih agi mantu Bumiputera din. Seruri meh ni pekara ti patut baka arus penyambung, jalai raya, bekal kuasa karan enggau ai awakka rayat ngasaika pemansang.”


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak