Gempuru Besai Parti Pesaka Bumiputera Bersatu (PBB) Sarawak ke-15 berengkah sehari tu.

KUCHING: Gempuru Besai Parti Pesaka Bumiputera Bersatu (PBB) Sarawak ke-15 berengkah sehari tu.

Gempuru ti dipejalaika tiga hari berunggu tu diatur ba Palan Aum Borneo Kuching (BCCK).

Ngena rambai jaku Nyamin Penegap, Pengelikun enggau Penyulut Sarawak, aum besai nya digulu sepenyampau 2,420 iku pengari iya nya 1,825 iku lelaki (Bapa), 298 pengari Orang Indu enggau 297 pengari Nembiak.

Kelimpah ari nya, bisi 26 iku pengari ari sayap baru iya nya Raban Orang Biak PBB dikelaluka nyadi peninjau aum.

Entara ti bisi datai Sapit Premier Sarawak ti mega Sapit Tuai Pemegai (Timbalan Yang Dipertua) PBB Datuk Amar Douglas Uggah Embas enggau Datuk Amar Awang Tengah Ali Hasan, Menteri Kanan Kereja Raya Malaysia ti mega Mandal Tuai Pemegai Kanan (Naib Dipertua Kanan) PBB Datuk Seri Fadillah Yusof, Speaker Dun Sarawak ti mega Chairman Mendam Parti PBB Tan Sri Datuk Amar Mohamad Asfia Awang Nasar, Menteri Dagang Dalam Menua enggau Pekara Penguna ti mega Sekretari Besai PBB Datuk Seri Alexander Nanta Linggi, Menteri Pemansang Orang Indu, Anak Mit enggau Pengintu Pengelantang Komuniti ti mega Tuai Orang Indu PBB Datuk Seri Hajah Fatimah Abdullah enggau bala bukai.

Gempuru Besai Parti Pesaka Bumiputera Bersatu (PBB) Sarawak ke-15 berengkah sehari tu.

Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak