DARA BAJIK… Ari kiba, Emily Wong Siew Yen, Mary Manuela enggau Phoebe Urai ngerasuk pekayan asal Orang Ulu (Kenyah) dikumbai Ta’a. – GAMBAR MOHD ALIF NONI.

KUCHING: Semilan pengawa mandangka tanda enggau nebah kereban muzik sereta pengawa belagu ari mayuh bengkah Gerempung Orang Ulu diatur beserimbai enggau Malam Pengerami Seni Orang Ulu Bazar Gawai 2022 narit ati beribu pengusung.

Pengawa nya dirichahka agi lebuh dipenyadi Menteri Dagang Temuai, Industri Kreatif enggau Seni Pemerindang, Datuk Seri Abdul Karim Rahman Hamzah enggau bini iya.

Malam Pengerami Seni nya udah mandangka ajat asal Orang Ulu ari Deki’it Leto Dumit Serakup Kenyah Sarawak Pampang Kuching, pengawa nebah muzik ‘Tapi’ ari Serakup Lun Bawang Sarawak Pampang Kuching.

Orang indu Gerempung Orang Ulu Malaysia, Sarawak (Forums) Bagi Menua Miri belagu, pemerindang ‘Anak Adek Rurum’ enggau ajat bujang berani, ‘Saga Ajai’ ari Gerempung Kenyah Nasional Sarawak Pampang Long San.

Pengawa mandangka tanda ‘Tingang Madang’ ari Gerempung Kayan Sarawal ke kala dibantai ngagai panggau entarabansa narit ati pengusung kelimpah mandangka muzik ‘Jatong Lutang’, enggau okestra gong Bisaya ari Gerempung Bisaya Sarawak.

Nambahka nya, Karim enggau bini iya bisi limpang ngabas reruai nyual pemakai, kraf jari enggau ke bukai seraya betemu enggau bala pengusung.

Sama datai Sapit Menteri ba Opis Premier (Pengereja Pengawa, Imigresyen enggau Matau Projek) Datuk Gerawat Gala, Sapit Menteri Utiliti enggau Telekomunikasyen, Datuk Liwan Lagang, Sapit Menteri Industri Kreatif enggau Seni Persembahan Datuk Snowdan Lawan enggau Adun Murum Chukpai Ugon.

MUZIK ASAL… Raban Uma Baha Apau Kayan Sungai Asap Belaga nebah muzik Jatong Lutang. – GAMBAR Mohd Alif Noni.

Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak