AGI RAPAS… Abang Johori enggai madahka status peminta Willie lebuh ditanya pemberita tadi.

KUCHING: Status peminta Kaban Parlimen Puncak Borneo Datuk Willie Mongin deka nyemilik Parti Pesaka Bumiputera Bersatu (PBB) apin temu.

Presiden PBB Datuk Patinggi Tan Sri Abang Johari Tun Openg agi ngelimpangka jaku lebuh ditanya pemberita.

“Kitai berandau pasal Aum Digital Ekonomi Entarabansa Sarawak (IDECS) diatu, nya pekara bukai,” ku iya nyaut pandak.

Abang Johari bejaku munyi nya rambau aum media pengudah nutup IDECS 2022 ba Palan Aum Borneo Kuching (BCCK) ditu tadi. .

Dulu ari nya, Willie ngenukuka diri udah nganjung peminta deka tama ngagai sebuah parti komponen Gempung Parti Sarawak (GPS) iya nya PBB.

Iya madahka diri bedau nerima timbal ari parti nya taja pan peminta udah dianjung beberapa bulan ti udah.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak