MUJUR…Program Randau Solidariti ti udah mujur diatur ba Sibujaya.

SIBU: Sebengkah program Randau Solidariti Komuniti (RSK) di Sibujaya udah mujur diatur sereta mega nyapai tuju.

Program ti diatur Kaunsil Pemansang Sosial (KWPKK) Nengeri Sarawak nengah kerejasama Opis Residen Bagi Menua Sibu, Opis Pelilih Menua Sibu, Opis Penyerakup Bansa enggau Integrasyen Nasional Sibu sereta Kawasan Rukun Tetangga Sibujaya Zon 3.

Tuju program tu diatur endang dikena ngerembaika penemu sereta meri penyedar bekaul pekara solidariti kelebih agi pengawa beserakup ti pemadu beguna ngemansangka komuniti.

Pia mega, program tu diatur ambika ulih nempa semangat begulai dikena ngangkatka modal rama dalam komuniti dikena napi penguji ti seruran nuntung komuniti .

Kelimpah ari nya mega, program tu chukup manah alai ngemunka semangat semampai ngemeratka tangunggpengawa rama seriris enggau kimpin “Care for Sarawak” ti disukung perintah menua.

Program ti diatur ba Dewan Mayuh Guna Sibujaya ti berengkah ari pukul 8 pagi nyentuk 10 malam nya diisi enggau mayuh licha ti bekaul program nya.

Sama bisi dibantaika dikena ngisi program tu iya nya licha ti dikenataika ejensi baka MPS, JPNIN, AADK, Gerempung Pengerai Runding, PDRM enggau Bomba.

Ba dalam randau Solidariti Pemun Penyerakup Dalam Komuniti udah dikenataika beberapa pengelicha ari ejensi PDRM, JKM, SDRC, JKR.

Program tu mega, bisi ngaga palan servis ari ejensi MPS, JKM, MHA, JPN enggau sebuah bank iya nya CIMB Bank.

Berebak enggau program ti diatur sehari aja nya, bisi Lumba Solidariti Komuniti enggau Pekit Nyura bagi nembiak mit bela diatur.

Ungkup malam nutup program tu, mayuh macham program udah digaga ti dipunka enggau jaku pengelalu ari Chairman KRT Sibujaya Zon 3 Raymond Bandang lalu Awang Mohamd Nizam udah dipaduka bejaku nutup pogram nya.

Ba malam kepenudi nya mega, bela diatur iya nya Pekit Dara Bajik enggau Pekit Bujang Sigat ungkup anak mit sereta mandangka tanda enggau pengawa nebah sape.

Pengawa ke penudi ungkup program tu iya nya pengawa nyuaka perais ngagai bala pemenang pekit sereta mega nyuaka tepa.

RINDANG…Entara pekit diatur nyerumba program nya.

Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak