SERIAN:: Projek ngemanah sekula repuk ba SK Lebur Remun, Serian dipelabaka tembu ujung bulan Ogos 2022.

Menteri Pelajar, Inovasyen Enggau Pemansang Penau Datuk Roland Sagah Wee Inn madahka projek sekula repuk nya kebendar ditagaka tembu bulan Disember 2021 tang bisi tejanggal ketegal napi penanggul pengerekai Covid-19.

“Aku ngabas tiga bengkah projek sekula repuk iya nya di SK Lebur Remun Serian, SK Aping Sri Aman enggau SK Daha Serian.

“SK Lebur deka tembu ujung bulan Ogos tu ila, ke alai SK Aping agi ngaul pengawa nyambung kuasa karan enggau ai ngagai begunan sekula,”ku iya bejaku rambau pengawa ngabas tiga buah sekula nya, ensana.

Iya nangkan nya madahka ungkup SK Daha, pengawa nyambung bekal kuasa karan enggau ai mega agi diaduka kelimpah bisi sekeda begunan sekula nya enda manah.

“Pengawa kami ngabas sekula tu endang deka nemu penanggul ti ditapi projek sekula repuk.

“Taja pia, aku beterima kasih ngagai semua ejensi perintah enggau ejensi bukai ti bekaul dalam projek tu,”ku iya.

Sama bisi datai Adun Bukit Semuja John Ilus, Adun Tebedu Dr Simon Sinang Bada enggau Sekretari Politik Ngagai Premier Sarawak Damen Rejek.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak