Tanah tusur ba Lepong Simpai Ili ngirauka ati

SIMANGGANG: Penyadi tanah tusur ba mua Rumah Kadir, Lepong Simpai Ili ditu ensana balat ngirauka ati peranak rumah panjai nya.

Nitihka penerang ari Balai Bomba enggau Penyah Penusah (BBP) Sri Aman madahka sida nerima kangau telefon ari orang periman urung pukul 12.15 tengah hari bekaul enggau penusah nya.

Udah nya, BBP Sri Aman lalu nganjung tiga iku pegawai ari Tim Alfa ke betuaika Komander Operasyen PBB Mike anak Keliang lalu disempulangka PBB Kevin Bani enggau PBB Abang Nursazli ngabas penusah nya.

“Datai ba palan penusah nya urung pukul 12.43 tengah hari, dia kami meda endang amat bisi penyadi tanah tusur ba mua rumah panjai nya.

“Penusah tu ngujungka tanah ke ditimbuk bala kunteriktor dikena ngaga palan paking entukar ba mua rumah panjai nya runtuh sereta ngerampit mimit ngagai tengah laman ba mua rumah pandai sida.

“Pekara tu deka diserahka ngagai bala kunteriktor ke dipilih ngambika mutarka penusah tu enggau lengkas laban penusah tu ulih nyeruga pengelikun peranak rumah panjai tu,” ku padah Mike.

Pengudah meresa palan penusah nya, raban bomba ngelalau peranak rumah panjai nya ngambika terus ngeripot ngagai sida nyema penusah ke sebaka bisi nyadi baru.

LENGKAS…Penusah tu patut diputarka enggau lengkas dikena nyeliahka penusah nyadi baru.

Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak