NYAMAI…Karim (kiba) begulai enggau Abang Johari sereta Badrul Hisham ngabas bansal Mini MAHA 2022 Gedong nyerumba Hari Benchi Dadah Nasional (HADK) diatur ba Dewan Datuk Patinggi Ali, Gedong, ensana.-Gambar GHAZALI BUJANG

GEDONG: Ejensi Perintah Besai enggau Sarawak ti ngintu pekara industri pemakai dipinta regas agi bejalaika pengawa ngiga chara ti engekeman ungkup peranak menua pesisir dalam mantu nambahka asil betanam betupi nengeri tu.

Menteri Nembiak, Lumba Enggau Pemansang Dagang Datuk Seri Abdul Karim Rahman Hamzah madahka pekara nya manah dikena nampung pemayuh tubuh rayat ti majak nambah ba mengeri Kuching.

“Mengeri Kuching enggau palan di pesisir mengeri diatu ngembuan peranak ti majak mayuh lalu begunaka pemakai ti meruan laban sida mar ngiga pemakai ngelawa palan ti jauh.

“Empas ari nya, sida ti diau ba mengeri nadai peluang betanam sayur, sida beguna penatai pemakai ti manah ari palan bukai,” ku iya.

Abdul Karim bejaku munyi nya rambau Program Ngenang Hari Benchi Dadah Nasional enggau Program Jual Terus Ari Ladang Malaysia Sebilik Nengeri Sarawak 2022 ti dipenyadika Premier Sarawak Datuk Patinggi Tan Sri Abang Johari Tun Openg ba Balai Datuk Patinggi Ali Gedong, ditu kemari.

Ku iya, ketegal genturung Pelilih Menua Gedong, Simunjan, Asajaya, Lundu, Bau enggau palan bukai bisi tanah, peranak di kandang menua nya amat beguna dalam meri bekal pemakai ngagai peranak ti diau ba mengeri.

Iya nangkan nya, madahka sitak Kota Samarahan enggau Gedong nyadi entara palan pemadu manah endur mansutka bekal pemakai ngagai rayat di Kuching.

“Laban penyampau perengkaguna enggau jalai raya ti majak manah, muntang ngagai bala orang bumai enggau orang berikan dia nyual asil sida ngagai mengeri Kuching.

“Nya alai, kitai mesti ngiga chara nyaga pemansut asil betanam betupi rayat di menua pesiisr ti udah bisi awakka enda rua tang diguna penuh ke pemaik semua,” ku iya.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak