KELAI PENGERAMI…Willie malu tawak enam kali kelai nutup Gawai.

PADAWAN: Penambah kes gian dadah raban nembiak kelebih agi ba sitak Parlimen Puncak Borneo ngirauka ati, ku Kaban Parlimen Puncak Borneo Datuk Willie Mongin.

Willie ti mega Sapit Menteri Bekebun enggau Komoditi madahka, raban orang biak patut ngenyauhka diri ari sebarang aktiviti salah guna dadah ti ulih ngenyaika nama sitak Puncak Borneo.

“Apai indai mega patut megai tanggungpengawa nyengkaum meda ulah anak sida awakka enda teparuk enggau aktiviti salah guna dadah.

“Kitai enggai meda bala anak ba Puncak Borneo majak teparuk enggau ulah nadai bepengerai tu ti ulih ngeruntuhka pengidup sida, ruang bilik enggau mensia mayuh,” ku iya.

Willie bejaku munyi nya lebuh bejadika Taun Keenam Padawan 4×4 Adventure Club di Barei Biperoh ba Kampung Emperoh Gerung ditu, enasana.

Ku iya, raban nembiak patut nguna awak ti bisi enggau aktiviti lumba tauka rekreasyen dalam nyeliahka pekara ti enda manah nya.

Berebak enggau nya, Willie ti mega pemungkal Padawan 4X4 Adventure Club minta rayat kelebih agi raban nembiak ngerejister nyadi kaban kelab nya.

“Kenyau ditumbuhka, kelab tu chakah ngatur aktiviti lumba ‘pemotoran pacuan empat roda’ enggau pengelantang kaban.

“Aku balat gaga enggau aktiviti ti diatur laban kelimpah belumba kitai mega ulih ngaga pengawa ngintu pengelantang nyengkaum mantu orang tasah angus enggau bah ba palan tu nyentukka ke Belaga,” ku iya.

Rambau program nya, iya mega madahka benung ngaga trek lumba ungkup aktiviti lumba kerita empat taya ba Skunduk, Kampung Semadang ditu.

Sama bisi datai Presiden Padawan 4X4 Adventure Club Mecelinus Meran.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak